Galdakaoko Ospitaleko larrialdi zerbitzuak erabiltzen dituzten erabiltzaileen soslaia. Larrialdi zerbitzuetako asistentzia medikuen kopurua gehituz doa etengabe, estatu españolean igoera hau urteko %4an kokatzen da. Erabiltzaileen %80ak bere kabuz erabakitzen dute larrialdi zerbitzu batetara jotzea eta kontsulta hauen %70a larritasun gutxikotzat jotzen dituzte zerbitzu hauetako medikuek. Zerbitzu hauen perfila azaltzen duten ikerketa epidemiologikoak egitea baliagarria izan daiteke osasun planifikazioaren aldetik, hau dela eta, Galdakaoko ospitaleko larrialdi zerbitzuaren erabiltzaileen perfil deskriptibo bat egitea aproposa iruditu zaigu. Emaitzak: Erabiltzaileen perfil orokorra ondokoa dela esan daiteke: gizonezkoa (%51,4), heldua (43,2 urteko media) eta patologia traumatologikoagatik kontsultatzen duena (%50,5). Galdakao inguruko herrietatik datorrelarik gehiengoa.